ទម្លាប់៧ចំនុចដើម្បីក្លាយជាមនុស្សខ្លាំង

មិត្តអ្នកអានទាំងអស់ប្រហែលជាធ្លាប់ឮច្រើនមកហើយពីសៀវភៅ របស់លោក Stephen Covey ដែលមានចំណងជើងថា“7 Habits of Highly Effective People” មែនទេ? តើមិត្តអ្នកអានទាំងអស់បានអានសៀវភៅនោះហើយឬនៅ? ខាងក្រោមនេះជាទម្លាប់ទាំង៧ដើម្បីក្លាយជាបុគ្គលដែលមានសក្ដានុពល និងមានប្រសិទ្ធភាពបំផុត៖

ទម្លាប់ទី ១៖ សកម្មជាមុន(Be Proactive)

ការផ្លាស់ប្ដូរឬបម្រែបម្រួលផ្សេងៗ ចាប់ផ្ដើមចេញពីខាងក្នុង ដែលជាទូទៅ បុគ្គលមានប្រសិទ្ធភាព តែងតែសម្រេចចិត្ត ក្នុងការពង្រឹងជីវិតតាមរយៈរឿង ឬបញ្ហាទាំងឡាយណាដែលពួកគេមានឥទ្ធិពលលើ ជាជាងចាំតែប្រតិកម្មក្រោយពេលដែលបញ្ហាបានកើតឡើង។

ទម្លាប់ទី ២៖ គិតហើយសឹមគូរ(Begin With the End in Mind)

អភិវឌ្ឍគោលការណ៍សម្រាប់ខ្លួនអ្នក។ អ្នកអាចពង្រីករាល់ការគិត រូបភាពការចងចាំ ទៅជាគោលដៅរយៈពេលវែងរបស់អ្នកដោយផ្អែកលើគោលការណ៍ផ្ទាល់ខ្លួនរបស់អ្នក។ ចាំថាគោលការណ៍គឺជាអ្វីដែលអ្នកអាចពឹងពាក់បាន ជាអ្វីដែលដឹកនាំបេសកកម្មអ្នកទៅកាន់ភាពត្រឹមត្រូវ ហើយគោលការណ៍មិនគួរផ្លាស់ប្ដូរជាដាច់ខាត។

ទម្លាប់ទី ៣៖ ធ្វើរឿងដែលសំខាន់មុន(Put First Things First)

អ្នកគួរធ្វើអ្វីដែលត្រឹមត្រូវបំផុតសម្រាប់ បេសកកម្មគោលបំណងរបស់អ្នកដែលបានកំណត់ ដោយរក្សាតុល្យភាពរវាងផលិតផល និងការកសាងសមត្ថភាពផលិតភាព។ អ្វីដែលអ្នកត្រូវគិតក្នុងចំណុចនេះ គឺ កំណត់តួនាទីចម្បងរបស់អ្នក ដែលត្រូវបំពេញ និងបែងចែកពេលវេលាសម្រាប់កិច្ចការទាំងនោះឲ្យបានម៉ត់ចត់។

សូមពិចារណាលើកិច្ចការដែលអ្នកត្រូវបំពេញតាមរយៈតារាងខាងក្រោម៖

កិច្ចការ បន្ទាន់ មិនបន្ទាន់

សំខាន់ 

កាដ្រង់ទី ១

អាចជាវិបត្តិ បញ្ហាសំពាធ ឬគម្រោងដែលមានកាលកំណត់…

កាដ្រង់ទី ២

អាចជាការការពារ ការបង្កើតទំនាក់ទំនង ការចាប់យកឱកាស ឬគម្រោងថ្មី…

មិនសំខាន់

កាដ្រង់ទី ៣

អាចជា ការរំខាន ទូរស័ព្ទ អ៊ីមែល ការប្រជុំ ធ្វើរបាយការណ៍…

កាដ្រង់ទី ៤

រឿងកំប៉ិកកំប៉ុក កិច្ចការរវល់ សកម្មភាពមួយចំនួនដែលអ្នកចូលចិត្តធ្វើ

ទម្លាប់ទី ៤៖ យុទ្ធសាស្ត្រ ឈ្នះ/ឈ្នះ

ស្វែងរកការព្រមព្រៀង និងទំនាក់ទំនងណាដែលអាចទទួល អាចផ្ដល់ប្រយោជន៍ទាំងសងខាង។ ក្នុងករណីខ្លះដែលអ្នកពិបាកប្រើយុទ្ធសាស្ត្រនេះ សូមទទួលយកការពិតដែលមិនអាចធ្វើទៅបាន ដែលនេះគឺជាជម្រើសប្រសើរបំផុត។ ដូចគ្នាដែរ ក្នុងការពង្រឹងទម្លាប់ល្អនៅក្នុងស្ថាប័នមួយ គឺត្រូវប្រាកដជាដំណោះស្រាយឈ្នះ-ឈ្នះ មិនមែនឈ្នះ-ចាញ់នោះទេ។

ទម្លាប់ទី ៥៖ យល់ពីគេ និងធ្វើឲ្យអ្នកដទៃយល់ពីអ្នក(Seek First to Understand, Then to Be Understood)

ព្យាយាមស្វែងយល់ឲ្យបានច្រើនពីមនុស្ស នៅជុំវិញខ្លួនអ្នក ហើយក៏ត្រូវធ្វើឲ្យអ្នកងាយយល់ពីអ្នក។ លោក Stephen Covey បានបង្ហាញថា ទម្លាប់មួយនេះសំខាន់ពាក់ព័ន្ធនឹងទំនាក់ទំនងនៃអន្តរបុគ្គល។ សម្រាប់ការស្ដាប់ដែលមានប្រសិទ្ធភាពគឺមិនមែនគ្រាន់តែស្ដាប់នូវអ្វីដែលអ្នកផ្សេងនិយាយចេញដោយយើងតាមបទពិសោធន៍ខ្លួនឯងផ្ទាល់នោះទេ តែគប្បីដាក់ខ្លួនអ្នកគិតទៅដល់ទស្សនវិស័យនៃអ្នកទាំងនោះ ដោយដាក់អារម្មណ៍ស្ដាប់ និងស្វែងយល់ពីអត្ថន័យ។

ទម្លាប់ទី ៦៖សាមគ្គីជាកម្លាំង (Synergize)

តាមរយៈទំនាក់ទំនងដ៏គួរជឿជាក់ អ្នកគួររិះរកវិធី បង្ហាញពីភាពខ្លាំងដាច់ដោយឡែករបស់អ្នកនៅផ្នែកណាមួយ។ តាមរយៈការជឿជាក់ និងការយល់គ្នាទៅវិញទៅមក ប្រាកដជាអាចដោះស្រាយទំនាស់ និងអាចស្វែងរកដំណោះស្រាយប្រសើរមួយ ជាជាងការទទួលយកដំណោះស្រាយតែម្ខាងណាមួយ។

ទម្លាប់ទី ៧៖ សំលៀងរណា(Sharpen your Saw)

ដកពេលវេលាពីការខិតខំផលិត ទៅកសាងសមត្ថភាពផលិត ដោយផ្អែកលើ ការផ្លាស់ប្ដូរថ្មីរបស់អ្នក ដូចជា ផ្នែករាងកាយ ការគិត អារម្មណ៍ និងទំហំផ្លូវចិត្តរបស់អ្នក ។ សូមចងចាំថាអ្នកចង់បានសមិទ្ធិផលដែលមានគុណភាពមិនមែនតែបរិមាណទេ៕

ប្រភព: khmerdeng.

ចង់ដឹងអំពីតម្លៃពិតប្រាកដនៃជីវិតទេ មកស្តាប់ព្រះសង្ឃ Dalai Lama ទាំងអស់គ្នា

ព្រះសង្ឃ Dalai Lama គឺជាមនុស្សឆ្លត ហើយគោលការណ៍នៃជីវិតរបស់គាត់មានលក្ខណៈសាមញ្ញងាយយល់។ មានមនុស្សជាច្រើនពាន់អ្នកដែលបានរកឃើញតម្លៃនៃជីវិតរបស់គេ ចាប់ផ្តើមមានភាពជឿជាក់លើខ្លួនគេ និងបានអរគុណគាត់សម្រាប់មេរៀនដ៏មានន័យនេះ។ បើទោះជាគាត់ប្រើប្រាស់នូវភាសាខុសៗគ្នា ក៏ពាក្យរបស់គាត់មានន័យអាចឱ្យអ្នកដទៃយល់យ៉ាងច្បាស់អំពីអត្ថន័យ ព្រោះគាត់និយាយនូវភាសានៃភាពសប្បុរស។

ឥលូវយើងទាំងអស់គ្នាក្រលេកមកមើលពិភពលោកតាមរយៈអ្វីដែលព្រះសង្ឃ Dalai Lama បានឃើញ និងអ្វីដែលគាត់បានពិពណ៌នាអំពីពិភពលោក៖

១. គោលបំណងនៃជីវិតគឺរស់នៅដោយសប្បាយរីករាយ។ ពួកយើងមិនដឹងថានឹងមានអ្វីកើតឡើងនៅថ្ងៃខាងមុខ ប៉ុន្តែបេះដូងរបស់យើងត្រូវការសេចក្តីសង្ឃឹម។ នេះជាអ្វីដែលជម្រុញឱ្យយើងធ្វើដំណើរទៅមុខទៀត។

២. ជំលោះកើតឡើងនៅពេលដែលពួកយើងផ្តោតខ្លាំងពេកទៅលើភាពខុសគ្នារវាងពួកយើងដូចជា សញ្ជាត្តិ សាសនា ការអប់រំ ទ្រព្យសម្បត្តិ។ វាជារឿងដ៏សំខាន់ដែលយើងត្រូវចង់ចាំថា យើងគ្រប់គ្នាជាមនុស្ស ដែលទស្សនៈនេះនឹងជួយឱ្យយើងគិតថាពួកយើងគឺដូចគ្នា។

៣. មិត្តភាពមិនមែនពឹងផ្អែកទៅលើ កេរ្តិ៍ឈ្មោះ លុយ ឬក៏កំលាំងនៃរាងកាយនោះទេ តែវាពឹងផ្អែកទភភលើការជឿជាក់ និងការស្រលាញ់

៤. ពួកយើងគ្រប់គ្នាត្រូវតែរៀនធ្វើអ្វីមួយមិនមែនតែផលប្រយោជន៍សម្រាប់ខ្លួនយើង ឬគ្រួសារយើងប៉ុណ្ណោះទេ តែត្រូវតែមានប្រយោជន៍ចំពោះមនុស្សជាតិទាំងមូល។ ភាពទទួលខុសត្រូវនៃអ្នកទាំងអស់គ្នាគឺជាទស្សនៈដែលអាចរក្សាបាននូវភាពរស់រានរបស់មនុស្សជាតិទាំងមូល។

៥. ការផ្លាស់ប្តូរនៃពិភពលោក និងខ្លួនអ្នកមិនបានកើតឡើងលឿនពេកនោះទេ ប៉ុន្តែបើយើងមិនខិតខំប្រឹងប្រែង នោះគ្មានការផ្លាស់ប្តូរកើតឡើងនោះទេ។

៦. ការវិវត្តន៍នៃបច្ចេកវិទ្យាអាចធ្វើឱ្យការរស់នៅរបស់យើងកាន់តែមានផាសុខភាព តែមិនអាចជួយឱ្យយើងមានសេចក្តីសុខក្នុងគំនិតរបស់យើងនោះទេ។

៧. បើសិនជាអ្នកចង់មានជីវិតមួយដែលសប្បាយរីករាយ ត្រូវបើកចិត្ត និងមានមេត្តាធម៌។ នេះជាមូលដ្ឋាននៃមិត្តភាពដ៏ពិតប្រាកដ។ អ្នកនឹងទទួលបានការជឿជាក់កាន់តែខ្លាំងពីអ្នកដទៃ។

៨. គ្មានការផ្លាស់ប្តូរណាកើតឡើងដោយសារតែការសម្រេចរបស់រដ្ឋាភិបាល ឬក៏ UN នោះទេ។ ការផ្លាស់ប្តូរដ៏ពិតប្រាកដនឹងកើតឡើងនូវពេលដែលមនុស្សចាប់ផ្តើមប្រើប្រាស់នូវការគិតជារួម និងផ្តោតការសម្រេចចិត្តទៅលើតម្លៃជារួម។

៩. អំពើហឹង្សាគឺជាវិធីសាស្ត្រហួសសម័យហើយសម្រាប់ការដោះស្រាយជំលោះ។

១០. វាគឺជារឿងដ៏ឆោតល្ងង់មួយដែលភាពល្អប្រសើរនៃមនុស្សជាតិត្រូវពឹងផ្អែកទាំងស្រុងទៅលើការបន់ស្រន់។ ពួកយើងត្រូវការសកម្មភាពពិតប្រាកដ។

១១. បើសិនជាមនុស្សសម្លាប់សត្វ វាជារឿងដែលមិនសូវល្អ ប៉ុន្តែវានឹងក្លាយជារឿងដ៏អាក្រក់នូវពេលដែលមនុស្សសម្លាប់មនុស្ស។ ពួកយើងត្រូវតែរួមគ្នាដើម្បីរៀនគិតអំពីបងប្អូនប្រុសស្រីរបស់យើង ដែលតែងតែគាំទ្រយើង។

១២. ខ្ញុំចង់បានមនុស្សពេញវ័យដែលមានចរឹកដូចកូនក្មេង ដែលបើកចិត្តទូលាយសម្រាប់ទទួលយកអ្វីដែលពួកគេមាន។

១៣. ការសណ្តោសប្រណីកាត់បន្ថយការភ័យខ្លាច ធ្វើឱ្យភាពជឿជាក់កាន់តែកើនឡើង និងបញ្ចេញនូវកម្លាំងខាងក្នុងរបស់យើង។ នៅពេលដែលយើងចាប់ផ្តើមជឿជាក់លើអ្នកដទៃ និងបើចិត្តទូលាយសម្រាប់ពួកគេ យើងនឹងឈប់មានអារម្មណ៍ឯកោ ហើយយើងនឹងយល់អំពីគោលបំណងនៃជីវិត

១៤. ខ្ញុំគឺជាអ្នកសើចដ៏អាជីពម្នាក់។ ខ្ញុំធ្លាប់បានឆ្លងកាត់នូវរឿងលំបាកដ៏ច្រើនក្នុងជីវិត ហើយប្រទេសរបស់ខ្ញុំក៏កំពុងតែស្ថិតនៅក្នុងសភាពមិនល្អ ប៉ុន្តែ ខ្ញុំតែងតែសើចជាញឹកញយ។ នៅពេលដែលអ្នកដទៃសួរថាហេតុអ្វីបានជាខ្ញុំអាចសើចបាននៅក្នុងសភាពបែបនេះ ខ្ញុំឆ្លើយយ៉ាងសាមញ្ញវិញថា ខ្ញុំគឺជាអ្នកសើចអាជីព។

១៥. សាសនារបស់ខ្ញុំគឺសាមញ្ញណាស់ ហើយក៏មានការសណ្តោសប្រណីណាស់ដែរ។

តើពាក្យទាំងអស់ខាងលើមួយណាដែលអាចធ្វើឱ្យអ្នកចាប់អារម្មណ៍ជាងគេ? ចែករំលែកនូវគំនិតរបស់អ្នកនៅកន្លែង Comment ខាងក្រោម។

រៀបរៀងដោយ៖ ចំរើន

ប្រភព៖ Bright Side

ប្រភព http://news4share.me

អត្ថប្រយោជន៍ 8 យ៉ាង ដល់ជីវិតរបស់អ្នក នៃការរៀនភាសាបរទេស

ការរៀនភាសាបរទេស អាចជួយជាប្រយោជន៍ច្រើនយ៉ាង ដល់ជីវិតរបស់អ្នក។ វាអាចជួយធ្វើឱ្យប្រសើរឡើង នៃរឿងរ៉ាវជាច្រើនដូចជា សុខភាព ឱកាសការងារ ទំនាក់ទំនង និង ការអភិវឌ្ឍផ្ទាល់ខ្លួន។ ជាអកុសល ហើយប្រហែលជាទូទៅ អ្នកដែលរៀននិយាយភាសាអង់គ្លេស កំពុងតែខ្ជិលជាប់លេខ ពេលនិយាយដល់ការរៀនភាសាផ្សេងទៀត ក្រៅពីភាសាជាតិរបស់ខ្លួន។ នៅពេលដែលអ្នកអាចនិយាយភាសាមួយផ្សេងទៀត វាបានបើកចំហទ្វារទំនាក់ទំនងជាច្រើន។ ខាងក្រោមនេះ គឺជាអត្ថប្រយោជន៍ 8 យ៉ាង នៃការរៀនភាសាបរទេស អាចធ្វើឱ្យជីវិតរបស់អ្នកប្រសើរឡើង ៖

1-ធ្វើឱ្យប្រសើរដល់សុខភាពខួរក្បាល  Improve Brain Health
2-បង្កើនឱកាសការងាររបស់អ្នក  Increase your Job Opportunities
3-បង្កើតឱ្យមានមិត្តភក្តិច្រើននិងកសាងទំនាក់ទំនង  Make Friends and Build Relationships
4-ធ្វើឱ្យប្រសើរដល់ការជ្រើសរើសថ្ងៃឈប់សម្រាក  Improve Holiday Selection
5-ធ្វើឱ្យក្លាយជាអ្នកសិក្សាកាន់តែប្រសើរ  Become a Better Learner
6-ជួយឱ្យរីករាយទៅនឹងវប្បធម៍ និង របៀបរស់នៅដែលផ្លាស់ប្តូរ  Enjoy a Cultured and Varied Lifestyle
7-កសាងទំនុកចិត្ត  Build Confidence
8-ជួយដល់ការស្រាវជ្រាវរបស់អ្នកឱកាន់តែប្រសើរ  Improve your research 

ប្រភព: pepage

សៀវភៅការបកប្រែភាសាអង់គ្លេសពាក្យបច្ចេកទេសនិងការពន្យល់សេចក្តីនៃពាក្យសរសរកាត់ភាសាអង់គ្លេស

nakrean168.blogspot.com/
http://nakrean168.blogspot.com/

គន្លឹះ ៥ សំខាន់ដើម្បីនិយាយភាសារអង់គ្លេសបានល្អ និយាយឆាប់ចេះ

អង់គ្លេសជាភាសាមួយដែលបានប្រើប្រាស់ជាទូទៅសម្រាប់ការទំនាក់ទំនងទាំងការរស់នៅ និងការធ្វើអាជីវកម្មអន្តរជាតិ។ ដូច្នេះ ការធ្វើអាជីវកម្មតាមលក្ខណៈបែបអន្តរជាតិ ក៍ដូចជាការបំពេញកិច្ចការងារនៅតាមស្ថានប័ននានាជាចាំបាច់យើងត្រូវតែចេះប្រើប្រាស់ភាសាអង់គ្លេស។ ខាងក្រោមនេះមានកត្តាសំខាន់៥ចំណុចដែលរៀនភាសាអង់គ្លេសបានយ៉ាងស្ទាត់ជំនាញ និងអាចប្រើប្រាស់បានយ៉ាងស្ទាត់ជំនាញ៖

១. កុំធ្វើជាសិស្ស: ខណៈពេលកំពុងរៀនអ្វីមួយវាមានសារៈសំខាន់ខ្លាំងណាស់ក្នុងការមានផ្នត់គំនិតត្រឹមត្រូវដែលធ្វើឱ្យមានភាពខុសគ្នារវាងភាពជោគជ័យនិងភាពបរាជ័យ។ ឈប់គិតថាអ្នកកំពុងរៀនភាសាអង់គ្លេសដែលនឹងធ្វើឱ្យអ្នកភ័យខ្លាច ប៉ុន្នែត្រូវគិតថា អ្នកកំពុងនិយាយភាសាអង់គ្លេសដែលនឹងធ្វើឱ្យអ្នកកាន់មានទំនុកចិត្តច្រើន។ ការទុកចិត្តជួយឱ្យអ្នកប្រើភាសាអង់គ្លេសដែលអ្នកដឹងជាមុន។

២.កុំរៀនវេយ្យាករណ៍ច្រើនពេក:គន្លឹះក្នុងការរៀនភាសាអង់គ្លេសគឺត្រូវមានតុល្យភាពរវាងការលេងនិងការអនុវត្ត។ ចេះនិយាយស្ទាត់ជំនាញភាសាអង់គ្លេសមិនមែនមានន័យថាចេះប្រើវេយ្យាករណ៍ត្រឹមត្រូវទេ សូម្បីតែអ្នកនិយាយភាសាអង់គ្លេសដើមកំណើតក៏មានកំហុសច្រើនរាប់មិនអស់ក្នុងការប្រើប្រាស់វេយ្យាករណ៍។ ភាពស្ទាត់ជំនាញគឺដើម្បីអាចទំនាក់ទំនង។

៣.ការស្តាប់ការរៀនសូត្រនិងការអានគឺមិនគ្រប់គ្រាន់នោះទេ: ការស្តាប់ការរៀនសូត្រនិងការអានគឺជាទិដ្ឋភាពសំខាន់បំផុតនៃភាសាណាមួយប៉ុន្តែទាំងនេះមិនគ្រប់គ្រាន់នោះទេគួរត្រូវអនុវត្តបណ្ដើរទើបល្អ។ វាជារឿងធម្មតាណាស់ដែលទារករៀននិយាយជាមុនហើយចេះនិយាយស្ទាត់បន្ទាប់មកពួកគេចាប់ផ្តើមអាននិងសរសេរ។

៤.ភាសាអង់គ្លេសគឺជាភាសាចម្លែក: ពេលខ្លះភាសាអង់គ្លេសមិនមានគំនិតទាល់តែសោះ។ Pronunciations ដូចជាអាន (reed), read (ពណ៌ក្រហម) ផ្លាស់ប្តូរអាស្រ័យលើអតីតកាលនិងបច្ចុប្បន្នភាព ប៉ុន្តែប្រសិនបើអ្នកព្យាយាមរកមូលហេតុនៃអ្វីទាំងអស់វាជារឿងធម្មតាណាស់សម្រាប់អ្នកដើម្បីបំបាត់ភាពឆ្ងល់។ ដូច្នេះ វាជាការល្អប្រសើរជាងមុនដើម្បីចងចាំការរំពឹងទុកចម្លែកនិងការផ្លាស់ប្តូរចំងល់។

៥.រៀនបន្ថែមទៀតពីការស្តាប់: សិស្សភាគច្រើនព្យាយាមស្វែងយល់ពីពាក្យដែលម្ចាស់ភាសាកំណើយនិយាយវាច្បាស់ណាស់ថាសារៈសំខាន់។ ប៉ុន្តែអ្នកនិយាយដើមកំណើតអាចនិយាយលឿនបំផុតហើយពាក្យមួយចំនួនដែលមិនអាចយល់បានដោយអ្នករៀនក្នុងអត្ថបទករណីពេទ្យនេះព្យាយាមយល់ពីរបៀបដែលគាត់និយាយ ។ មនុស្សម្នាក់គួរកត់សម្គាល់ពាក្យសម្ដីដែលបុគ្គលម្នាក់ប្រើដើម្បីភ្ជាប់ប្រយោគហើយចងចាំពត៌មានទាំងនេះនៅពេលអ្នកនិយាយបន្ទាប់។ វិធីខ្លះដែលមានប្រយោជន៍នៅពេលដែលចេះនិយាយភាសាអង់គ្លេសគឺត្រូវមើលខ្សែភាពយន្តអង់គ្លេសដែលមានចំណងជើងរងហើយអានវាយ៉ាងប្រុងប្រយ័ត្ន។

ប្រភពៈhttp://camsabaymong.blogspot.com

៤. ជា​មិត្ត​ដ៏​ល្អ:ស្ត្រី​ពុំ​អាចធ្វើ​កិច្ចការ​គ្រប់យ៉ាង​រួមជាមួយ​គេ​បានឡើយ ប៉ុន្តែ អាច​ធ្វើជា​មិត្ត​ល្អ​របស់គេ​បាន។ នេះ​ជា​អ្វី ដែល​ភាគី​បុរស​ចង់បាន គឺ​ឲ្យ​ភាគី​ស្ត្រី​នៅជិតៗខ្លួនគេ​ជានិច្ច មិន​ចំពោះ​ថា គេ​នឹង​ជួប​រឿង​អ្វី ឬ​សូម្បី​ក្នុង​ថ្ងៃ​ដែល​មិនមាន​អ្នកណាម្នាក់​ឈរ​នៅក្បែរ​គេ។

៣. ជា​អ្នក​លួង​ចិត្ត:នៅពេល​អ្នកជា​មនុស្ស​ជាទី​ស្រលាញ់​របស់គេ អ្នក​គឺជា​មនុស្ស​ដំបូង ដែល​បានទទួល​ដឹងឮ​បញ្ហា ដែល​គេ​មិន​ចង់​ប្រាប់​អ្នកផ្សេង ព្រោះ​ការដែល​គេ​សុខចិត្ត​ប្រាប់ គឺ​មានតែ​អ្នក​ប៉ុណ្ណោះ ព្រោះ​គេ​ទុកចិត្ត​ថា អ្នកនឹង​ជួយ​ព្យាបាល​បេះដូង​ឈឺ​ចាប់ពី​ការតស៊ូ និង​បញ្ហា​របស់គេ​បាន។

២. ជួយ​ដាស់តឿន​គេ:ធម្មជាតិ​របស់​បុរស គឺជា​មនុស្ស​ចិត្តរឹង មានះ​ណាស់ មិនសូវ​ស្ដាប់​អ្នកណា​ឡើយ ប៉ុន្តែ ស្ត្រី​វិញ ជា​មនុស្ស​ដែល​មាន​ឥទ្ធិពល​លើទឹក​ចិត្ត​គេ​ខ្លាំង​បំផុត ចូរ​ប្រើ​ឱកាស​នេះ ដើម្បី​ក្រើនរំឮក ដាស់តឿន​គេ​ផង ព្រោះនេះ​ជា​រឿង​ល្អ ដែល​គួរ​ធ្វើ​ដើម្បី​អនាគត។

១. ធ្វើ​ឲ្យ​គេ​ធូរស្បើយ​ចិត្ត:ជា​រៀងរាល់ថ្ងៃ ភាគី​បុរស​អាច​ត្រូវ​ទប់ទល់​នឹង​រឿង​ជាច្រើន ដែល​ធ្វើ​ឲ្យ​គេ​វិលវល់​គ្រប់ពេលវេលា។ ដូច្នេះ ភាព​តប់ប្រមល់​អាច​នឹង​កើត​ក្នុង​ចិត្ត​របស់គេ។ ហេតុនេះ តួនាទី​ដែល​ស្ត្រី​គួរ​ប្រតិបត្តិ គឺ​ការ​សាង​ក្ដី​សុខ រីករាយ​ដល់​គេ ដើម្បី​ឲ្យ​គេ​មាន​អារម្មណ៍​ល្ហែល្ហើយ បាន​សប្បាយចិត្ត​ឡើងវិញ។

ប្រភពៈwww.sovilay.com 

ប្រភពៈ shareshare

រៀនអង់គ្លេសយូរហើយនៅតែមានបញ្ហាមែនទេ?

រៀនអង់គ្លេសយូរហើយនៅតែមានបញ្ហាមែនទេ?

តោះស្តាប់យោបល់វណ្ណា!

បាទមិត្តយុវវ័យ!មាន​​គន្លឹះ​សំខាន់ៗ​មួយ​ចំនួន​ដែល​អាច​ជួយ​យើងអោយ​ធ្វើ​ជា​ម្ចាស់​លើ​ភាសា​អង់គ្លេសបាន​!

១​និយាយ​ដោយ​មិនភិតភ័យ និងអៀនអន់

បញ្ហា​ធំ​បំផុត​ដែល​មនុស្ស​ភាគ​ច្រើន​ជួប​ប្រទះ​ក្នុង​ការ​រៀន​ភាសា​ថ្មី ​មួយ​គឺ​​ភាព​ភ័យ​ខ្លាច​ផ្ទាល់​ខ្លួន​របស់​ពួក​គេ​។ ពួកគេបារម្ភ​ថា​ខ្លាច​​និយាយ​អ្វី​ខុស​​ឬ​ក៏​និយាយ​ទៅ​ខ្លាច​គេ​ ស្តាប់មិនយល់ ដូច្នេះ​អ្នក​ទាំង​នោះ មិន​ហ៊ាន​និយាយ​អី​ទាំង​អស់។ កុំ​ធ្វើ​អីចឹង​អោយ​សោះ។ វិធី​លឿន​បំផុត​ក្នុង​ការ​រៀន​អ្វី​មួយ​គឺ​ត្រូវ​តែ​ធ្វើ​វា​ម្តង​ហើយ​ម្តង​ ទៀត​រហូត​ដល់​អ្នក​អាច​ធ្វើ​វា​បាន​ល្អ។ ដូច​​អ្វី​ៗ​ទៀត​ដែរ​ ការ​រៀន​ភាសា​អង់​គេ្លស​ទាម​ទារ​អោយ​មាន​ការ​អនុវត្ត។ កុំ​អនុញ្ញាតិ​ឲ្យ​ភាព​ភ័យ​មួយ​នេះ​បញ្ឈប់​អ្នក​ពី​អ្វី​ដែល​អ្នក​ចង់​​បាន។

២​ប្រើប្រាស់​ធនធាន​ទាំង​អស់​ដែល​អ្នក​មាន

ទោះ​បី​ជា​អ្នក​រៀន​ភាសា​អង់គ្លេសនៅ​សាសា​ភាសា​អង់គ្លេស​ក៏ដោយ​ក៏​វា​មិន ​មាន​ន័យ​ថា​អ្នក​មិន​អាច​រៀន​នៅ​ខាង​ក្រៅ​ថ្នាក់​នោះ​ដែរ។ នៅ​ពេល​ប្រើ​ប្រាស់​ប្រភព​ផ្សេង​ៗ​ច្រើន​ វិធីសាស្រ្ត​និង​​ឧបករណ៍​ផ្សេងៗ​តាម​ដែល​អាច​ទៅ​រួច​នឹង​អនុញ្ញាតិ​អ្នក​អោយ ​រៀន​បាន​កាន់​តែ​លឿន។ មាន​វិធី​ខុស​ៗ​គ្នា​ច្រើន​យ៉ាង​ដែល​អាច​ជួយ​អ្នក​ឲ្យ​បង្កើន​ភាសា​អង់​ គ្លេស​​របស់​អ្នក​ ដូចនេះ​កុំ​ដាក់​កំហិត​ខ្លួន​​ឯង​ត្រឹម​២​ឬ​៣​វិធី​ធ្វើ​អ្វី​។ អ៊ិនធឺណិត​គឺ​ជា​​ប្រភព​ធនធាន​ដ៏អស្ចារ្យ​មួយ​សំរាប់​​រក​មើល​អ្វី​មួយ​​ហើយ ​សំរាប់​​អ្នក​រៀន​ភាសា​ វា​ពិត​ជា​ល្អ​ឥត​ខ្ចោះ។

៣​ធ្វើ​ខ្លួន​របស់​អ្នក​ឲ្យ​នៅ​ជាប់​នឹង​អង់គ្លេស

មធ្យោបាយ​ល្អ​ប្រសើរ​​បំផុត​ក្នុង​ការ​រៀន​អង់គ្លេស​គឺ​ធ្វើ​ខ្លួន​របស់​ អ្នក​ឲ្យ​នៅ​ជាប់​ជាមួយ​វា។ កត់​ត្រា​អ្វី​ៗ​ជា​ភាសា​អង់គ្លេស ដាក់​សៀវភៅ​អង់គ្លេស​ជុំវិញ​បន្ទប់​របស់​អ្នក​ ស្តាប់​ការ​ផ្សាយ​សំលេង​តាម​វិទ្យុ​ជា​ភាសា​អង់គ្លេស​ មើល​ព័ត៌មាន​ជា​ភាសា​អង់គ្លេស​ ខ្សែ​ភាព​យន្ត​និង​ទូរទស្សន៍​ក៏​ដូច​នោះ​ដែរ។ និយាយ​ភាសា​អង់​គ្លេស​ជាមួយ​បណ្តា​មិត្ត​ភក្តិ​នៅ​ពេល​ណា​ដែល​អ្នក​គិត​ថា​ អាច។ ​មាន​សម្ភារៈ​ជា​ភាសា​អង់គ្លេស​កាន់​តែ​ច្រើន​ជុំវិញ​អ្នក នោះ​អ្នក​កាន់​តែ​រៀន​លឿន​ជាង​មុន​ហើយ​វា​កាន់ប្រកដ​​ថា​អ្នក​នឹង​ចាប់​ ផ្តើម​ជាមួយ​ពាក្យ​ថា “ការ​គិត​ក៏​​ជា​ភាសា​អង់គ្លេស”។

៤​ស្តាប់​​​​អ្នក​និយាយ​ជនជាតិ​ដើម​ច្រើន​តាម​ដែល​អាច​ធ្វើ​ទៅ​បាន

មាន​គ្រូ​បង្រៀន​ភាសា​អង់គ្លេស​ល្អៗ​ច្រើន​ដែល​បាន​រៀន​ភាសា​អង់គ្លេស​​ ជា​ភាសា​ទីពីរ​​ មុន​ពេល​គាត់​អាច​បង្រៀន​វា​បាន។ ទោះ​ពី​ជា​យ៉ាង​ណា​ក៏​ដោយក៏​មាន​ហេតុផល​​ដែល​នាំ​ឲ្យ​សាលា​ល្អៗ​ជា​ច្រើន​ ចង់​ជួល​​គ្រូ​ជន​ជាតិ​ដើម​ដែល​និយាយ​ភាសា​អង់គ្លេស។ ហេតុ​ផល​មួយ​ក្នុង​ចំនោម​ហេតុផល​ទាំង​ឡាយ​គឺ​ថា​គ្រូ​ជនជាតិដើម​ទាំង​នោះ​​ និយាយ​ស្ទាត់​ជំនាញ​ពី​ធម្មជាតិ​ដែល​សិស្ស​រៀន​អង់គ្លេស​គួរ​តែ​ព្យាយាម​​ ធ្វើ​តាម។ សិស្ស​រៀន​ភាសា​​កាន់​តែ​នៅ​ជិត​គ្រូ​ទាំង​នោះ  ពួកគេ​កាន់​តែ​មាន​ទំនុក​ច្រើន។

៥​មើល​ទូរទស្សន៍​និង​ភាពយន្ត​ដែល​និយាយ​អង់គ្លេស

នេះ​មិន​គ្រាន់​តែ​ជា​មធ្យោបាយ​កំសាន្ត​​ក្នុង​ការ​រៀន​មួយ​ទេ​តែ​វា​​ អាច​ជា​វិធី​ដ៏​មាន​ប្រសិទ្ធភាព​មួយ​ដែរ​។ ដោយ​មើល​ភាព​យន្ត​ជាភាសាអង់គ្លេស (ជាពិសេស​​រឿង​ដែល​មាន​អក្សរ​រត់​ពេល​និយាយ) អ្នក​អាច​ពង្រីក​ការ​សិក្សា​ពាក្យ​និង​អាច​លឺ​លំហូរ​នៃ​ការ​និយាយ​ពី​តួ​ អង្គ​ទាំង​ឡាយ។ ប្រសិន​បើ​អ្នក​ស្តាប់​ព័ត៌មាន​ អ្នក​អាច​លឺ​ការ​និយាយ​សង្កត់​សំលេង​ប្លែកៗ។

៦​ស្តាប់​តន្ត្រី​ជា​ភាសា​អង់គ្លេស

តន្ត្រី​អាច​ជា​វិធីសាស្រ្ត​មាន​​ប្រសិទ្ធភាព​​ក្នុង​ការ​រៀន​ភាសា​ អង់គ្លេស។ ជាការ​ពិត​ វា​ត្រូវ​បាន​គេ​ប្រើ​ជា​ញឹក​ញាប់​ជា​​​មធ្យោ​បាយ​ក្នុង​ការ​បង្កើន​ សមត្ថភាព​យល់​ដឹង​។ វិធី​ល្អ​បំផុត​គឺ​ស្តាប់​ដោយ​មាន​អក្សរ​រត់​តាម​ការ​ច្រៀង។ មាន​វែបសាយ​​ល្អៗ​ជាច្រើន​​ដែល​អ្នក​ស្វែង​រក​អក្សរ​​​ឬ​ពាក្យ​ពេចន៍​នៃ​បទ​ ភ្លេង​ទាំង​នោះ។ វិធី​នេះ​​ អ្នក​អាច​អនុវត្ត​ការ​ស្តាប់​​និង​ការ​អាន​របស់​អ្នក​នៅ​ពេល​ជា​មួយ​គ្នា​ បាន​​ ហើយ​បើ​អ្នក​ចង់​ច្រៀង​ទៀត​នោះ គឺ​ពិត​ជា​បាន។

៧រៀន​​អោយ​បាន​ញឹក​តាម​ដែល​អាច​ធ្វើ​​បាន

គ្រាន់​​រៀន​អ្វី​មួយ​ដូច​ជា​វេយ្យាករណ៍​និង​ពាក្យ​ពេចន៍និង​ការ​ធ្វើ​លំហាត់​ អ្នក​ពិត​ជា​អាច​បង្កើន​ចណេះដឹង​​នៃ​ភាសា​ណាមួយ​បាន។

៨​ធ្វើ​លំហាត់​និង​ប្រលង​ឲ្យ​បាន​ច្រើន

មនុស្ស​ជា​ច្រើន​គិត​ថា​លំហាត់​និង​វិញ្ញាសា​ប្រលង​​អត់​មាន​ប្រយោជន៍​ ទេ។ ទោះ​បី​ជា​យ៉ាង​ណា ដោយ​ការ​ធ្វើ​លំហាត់​និង​ប្រលង​ អ្នក​ពិត​ជា​អាច​បង្កើន​ភាសា​អង់គ្លេស​បាន។ មូលហេតុ​មួយ​ក្នុង​ចំនោម​មូលហេតុ​ល្អ​ប្រសើរ​ជា​ច្រើន​ក្នុង​ការ​ធ្វើ​ លំហាត់​និង​ធ្វើ​តេស្ត​​​ច្រើន​គឺ​ថា​​សកម្មភាព​​ទាំង​នេះ​ផ្តល់​ឲ្យ​អ្នក​ នូវ​គំរូ​​ល្អ​មួយ​សំរាប់​ឲ្យ​អ្នក​ប្រៀបធៀប​ពេល​មុន​ធ្វើ​តេស្ត​​និង​ លទ្ធផល​ជាក់​ស្តែង​បន្ទាប់​ពី​ប្រលង​រួច។ ជា​រឿយៗ អ្នក​អាច​ប្រៀបធៀប​ជា​ពិន្ទុ​ដែល​អ្នក​បាន​ធ្វើ​កាល​ពី​ម្សិល​មិញ​ជាមួយ​នឹង ​ពិន្ទុ​កាលពី​មួយ​ខែ​ឬ​ប្រាំ​មួយ​ខែ​មុន នោះ​អ្នក​នឹង​ដឹង​ថា​អ្នក​បាន​រៀន​ច្រើន​ប៉ុណ្ណា។ បើ​អ្នក​មិន​ធ្លាប់​ធ្វើ​តេស្ត​ខ្លួន​​ឯង​ទេ​ អ្នក​នឹង​មិន​ដែល​ដឹង​ថា​ចេះ​ប៉ុណ្ណា​នោះ​ឡើយ។ សាកល្បង​ចាប់​ផ្តើម​ធ្វើ​លំហាត់​និង​ធ្វើ​តេស្ត​​​ពី​ឥលូវ​​ទៅ​ ហើយ​ត្រលប់​មក​វិញ​ក្នុង​ពីរ​បី​ថ្ងៃ​ទៀត​ដើម្បី​ដឹង​ថា​អ្វី​ដែល​អ្នក​បាន​ រៀន។ នៅ​តែ​បន្ត​ធ្វើ​យ៉ាង​នេះ នោះ​អ្នក​នឹង​បង្កើន​ភាសា​អង់គ្លេស​របស់​អ្នក​ជាមិន​ខាន។

៩​កត់​ត្រា​ខ្លួន​របស់​អ្នក

គ្មាន​នរណា​ចង់​ស្តាប់​សម្លេង​របស់​ពួកគេ​នៅ​ក្នុង​កាសែត​ទេ តែ​សំរាប់​ការ​ធ្វើ​តេស្ត វា​ជា​វិធី​ល្អ​ក្នុង​ការ​ប្រៀប​ធៀប​ការ​​និយាយ​របស់​អ្នក​ពី​ពេល​មួយ​ទៅ​ ពេល​មួយ។ អ្នក​អាច​នឹង​ចាប់​អារម្មណ៍​ផង​ដែរ​លើ​ដំណើរ​ការ​ដែល​អ្នក​បាន​បង្កើត​ ហើយ​អ្នក​អាចនឹង​ចង់​ស្តាប់​វិញ​ក៏មាន។

១០​ស្តាប់​ភាសា​អង់គ្លេស

ក្នុង​ន័យ​នេះ យើង​ចង់​ផ្តោត​លើ​​ ការ​និយាយ​​តាម​ទូរស័ព្ទ​ឬ​ស្តាប់​វិទ្យុ​និង​CD​ជាភាសា​អង់គ្លេស។ វា​ខុស​ប្លែក​ពី​ការ​មើល​ទូរទស្សន៍​ឬ​ភាពយន្ត​ព្រោះ​អ្នក​មិន​អាច​មើល​ឃើញ​ មនុស្ស​ដែល​កំពុង​និយាយ​ទៅ​រក​អ្នក​។ អ្នក​រៀន​អង់គ្លេស​ជាច្រើន​និយាយ​ថា​ការ​និយាយ​តាម​ទូរស័ព្ទ​គឺ​ជាការ​លំបាក ​មួយ​ក្នុង​ចំនោម​ការ​លំបាក​ជា​ច្រើន​ ហើយ​នេះ​ជា​វិធី​​ល្អ​ក្នុង​ការ​បង្កើន​ភាសា​អង់គ្លេស​គឺ​ការ​អនុវត្ត។

១១វិធី​​ចុង​ក្រោយ

ចូរ​ធ្វើ​ខ្លួន​ឲ្យ​រីយ​រាយនិងមានជំនឿចិត្ត។

ប្រភព: chomnounh.wordpress.com

គន្លឹះ ១០ ជួយ​ឱ្យ​ការនិយាយ​ភាសា​អង់គ្លេស​របស់​អ្នក​ឆាប់​ស្ទាត់ជំនាញ​

ការអនុវត្ត​ការនិយាយ​ភាសា​អង់គ្លេស​គឺជា​ផ្នែក​មួយ​ដ៏​សប្បាយរីករាយ​បំផុត​ចំពោះ​អ្នករៀន​ភាសា​អង់គ្លេស​។ នៅពេលណា​ដែល​អ្នក​ចាប់ផ្តើម​ចេះ​និយាយ​ភាសា​អង់គ្លេស​បាន​តិចតួច​ភ្លាម វិធី​ជាច្រើន​ដើម្បី​ពង្រឹង​ជំនាញ​និយាយ​នឹង​ហូរ​មក​ដោយ​ឯកឯង​។ ខាងក្រោម​នេះ​គឺជា​គន្លឹះ​សំខាន់ៗ​ចំនួន ១០ សម្រាប់​ជួយ​ឱ្យ​អ្នក​ពង្រឹង​ការនិយាយ​ភាសា​អង់គ្លេស និង​អាច​រក្សា​ភាព​រីករាយ​ថែម​ទៀតផង​ខណៈ​កំពុង​អនុវត្តតាម​៖

​១. និយាយ​, និយាយ​, និយាយ​! កុំ​ខ្លាច​ខុស​

ត្រូវ​និយាយ​អង់គ្លេស​រាល់ថ្ងៃ​ទៅកាន់​មិត្តភក្តិ​ឱ្យបាន​ច្រើន ឬ​នរណា​ក៏បាន​តាម​លទ្ធភាព​ដែល​អាចធ្វើ​ទៅបាន​។ កុំ​ខ្មាសអៀន​។ កុំ​ខ្លាច​កំហុស​។ ការដែល​កាន់តែ​អនុវត្ត អ្នកនឹង​កាន់តែ​មាន​ទំនុកចិត្ត​។ ជាពិសេស​កុំ​បារម្ភ​អំពី​ការបញ្ចេញ​សំឡេង ព្រោះ​អ្នក​អាច​កាច់​តុង​បាន​តាម​ក្រោយ​ទេ នៅពេល​និយាយបាន​ស្ទាត់ជំនាញ​។

​២. ប្រើ​បច្ចេកវិជ្ជា​

ស្មា​ត​ហ្វូ​ន​អាចជា​ឧបករណ៍​ដ៏​មាន​ប្រសិទ្ធភាព​សម្រាប់​រៀន​ភាសា​។ ប្រើ​វា​ដើម្បី​ថត​សំឡេង​ខ្លួនឯង​រួច​ចាក់​ស្តាប់​ឡើងវិញ​ថា​តើ​សំឡេង​ភាសា​អង់គ្លេស​របស់​អ្នក​ទៅកាន់​អ្នកដទៃ​វា​យ៉ាងម៉េច​ខ្លះ​។ ក្រៅពីនេះ​អ្នក​អាច​ស្វែងរក App ល្អៗ​ជាច្រើន​សម្រាប់​យកមក​អនុវត្តតាម​ផងដែរ ដូចជា​កម្មវិធី NaturalEnglish ជាដើម​។

៣. ស្តាប់​

ត្រូវ​ស្តាប់​ព័ត៌មាន​និង​ចម្រៀង​ជា​ភាសា​អង់គ្លេស ដើម្បី​ស្តាប់​ឱ្យ​ស្គាល់​ការប្រកប​ពាក្យ​នីមួយៗ​។ តាម​វិធី​នេះ អ្នក​ក៏​អាច​រៀន​ពាក្យ និង​ឃ្លា​ថ្មីៗ​ផងដែរ​។ កាន់តែ​ស្តាប់ កាន់តែ​ចេះ​! ព្យាយាម​និយាយ​តាម​អ្វីដែល​អ្នក​បាន​ស្តាប់ និង​រៀន​ស្តាប់​ពី​របៀប​សង្កត់​សំឡេងរ​បស់ពាក្យ​នីមួយៗ​។

៤. អាន​ឱ្យឮៗ​

អាន​ទស្សនា​វ​ដ្តី​ឬ​កាសែត​ជា​ភាសា​អង់គ្លេស​ឱ្យឮៗ​សម្រាប់​ស្តាប់​ខ្លួនឯង​។ អ្នក​ក៏​អាច​ជ្រើស​យក​សម្រង់​អត្ថបទ​ចេញពី​កម្មវិធី​ទូរទស្សន៍​ដែល​ពេញចិត្ត​យកមក​អាន​ក៏បាន​! នេះ​គឺជា​វិធី​អស្ចារ្យ​បំផុត​ដើម្បី​អនុវត្ត​ការប្រកប ព្រោះ​អ្នកត្រូវការ​ផ្តោត​តែ​លើ​របៀប​បញ្ចេញ​សំឡេង​ឱ្យ​អស្ចារ្យ​តែប៉ុណ្ណោះ ដូច្នេះ​សូមកុំ​បារម្ភ​អំពី​សំណង់​ប្រយោគ ឬ​វេយ្យាករណ៍​ឱ្យសោះ​។

៥. រៀន​ពាក្យថ្មីៗ​រៀងរាល់ថ្ងៃ​

ជ្រើសរើស​ពាក្យ​ដែល​យល់ថា​ល្អ ហើយ​យក​វា​មក​អនុវត្ត​ក្នុង​ប្រយោគ​ខុសៗ​គ្នា​ឱ្យបាន​ច្រើន​។ ប្រើពាក្យ​នេះ​រហូត​ទាល់តែ​ចេះ​ស្ទាត់ សឹម​បន្ត​ស្វែងរក​ពាក្យថ្មី​បន្ទាប់​ទៀត​។

៦. មើល​ភាពយន្ត​ជា​ភាសា​អង់គ្លេស​

សូម​ទស្សនា​ភាពយន្ត​ជា​ភាសា​អង់គ្លេស និង​យកចិត្តទុកដាក់​លើ​ពាក្យថ្មីៗ និង​ការប្រកប​។ ធ្វើ​ត្រាប់​តាម​តួអង្គ​ក្នុង​រឿង រួច​និយាយ​តាម​នឹង​ពិតជា​ធ្វើឱ្យ​អ្នក​រីករាយ​នឹង​ការរៀន​អង់គ្លេស​ជាក់​ជាពុំខាន​។

៧. បង្កើត​មិត្ត​

បង្កើត​មិត្ត​ជាមួយ​មនុស្ស​ដែល​ចេះ​និយាយ​ភាសា​អង់គ្លេស ឬ​អ្នក​ដែល​កំពុង​រៀន​និយាយ​ភាសា​អង់គ្លេស​។ និយាយ​ពីអ្វី​ដែល​អ្នក​បាន​រៀន និង​ផ្លាស់ប្តូរ​គំនិត​គ្នា​ទៅវិញទៅមក​។

៨. ធ្វើ​សកម្មភាព​ដែល​ចាប់អារម្មណ៍​ជា​ភាសា​អង់គ្លេស​

រៀន​ធ្វើ​ម្ហូប​ជា​ភាសា​អង់គ្លេស ឬ​ចូលរួម​ក្លឹប​អាន​សៀវភៅ​អង់គ្លេស (​បើ​អត់​មាន​អ្នក​អាច​កេណ្ឌ​គ្នីគ្នា​បង្កើត​វា​ឡើង​ក៏បាន​)! ត្រូវ​ប្រាកដថា​រាល់​សកម្មភាព​ដែល​ធ្វើ​គឺ​ត្រូវ​និយាយ​ជា​ភាសា​អង់គ្លេស​ទាំងអស់​។ ការនិយាយ​អង់គ្លេស​អំពី​រឿងរ៉ាវ​នានា​ដែល​អ្នក​ចូល​ចិត្តនឹង​ធ្វើឱ្យ​ការនិយាយ​កាន់តែ​ឆាប់​ស្ទាត់ជំនាញ​។

៩. តស៊ូ​មតិ​

ត្រូវ​តស៊ូ​មតិ​គ្រប់​ប្រធានបទ​ដែល​អារម្មណ៍​ជាមួយ​មិត្តភក្តិ ជា​ភាសា​អង់គ្លេស​។ ព្យាយាម​ប្រើពាក្យ​ដែល​ចេះ​ទាំង​អំបាលម៉ាន​តាម​លទ្ធភាព​ដែលមាន ដើម្បី​លើកឡើង​ពី​ចំណុច​ដែល​ខ្លួន​អ្នក​កំពុង​តស៊ូ​មតិ ដូច្នេះ​ទើប​អ្នក​អាច​ការពារ​ប្រធានបទ​របស់​អ្នក​ដោយមាន​ប្រសិទ្ធភាព​។

១០. ប្រើ​វចនានុក្រម​អន​ឡាញ​ឬ​អេ​ឡិច​ត្រូ​និ​ច​

វចនានុក្រម​អន​ឡាញ​ភាគច្រើន​មាន​ឧទាហរណ៍​ជា​សំឡេង ដូច្នេះ​អ្នកនឹង​អាច​ឆែក​មើល​ការប្រកប​។ ក្រៅពីនេះ​ក៏មាន​កម្មវិធី​វចនានុក្រម​អស្ចារ្យ​ជាច្រើន​នៅលើ​ទូរស័ព្ទ​ផងដែរ​។ អ្នក​អាច​រកបាន​គ្រប់​ប្រភេទ​វចនានុក្រម​ទាំងអស់​ដែល​អ្នកត្រូវការ​។ តែ​ត្រូវ​ធ្វើឱ្យ​ប្រាកដថា អ្នក​នឹងមិន​ពឹងផ្អែក​ខ្លាំង​ទៅលើ​ឧបករណ៍​ទាំងនេះ​ទេ​៕

ប្រភព: khmeread

តើធ្វើដូចម្តេចដើម្បីសម្រេចចិត្តលើជំនាញសិក្សារបស់អ្នក?

ការជ្រើសយកមុខជំនាញសម្រាប់ការសិក្សានៅថ្នាក់ឧត្តមសិក្សាគឺជារឿងមួយពិបាក ជាពិសេសនៅពេលដែលជាមនុស្សគ្រប់គ្នានៅជុំវិញអ្នកបានកំណត់គោលដៅអនាគតរបស់ពួកគេហាក់មានលក្ខណៈប្រសើរ។​ ការជ្រើសរើសមុខជំនាញត្រឹមត្រូវហើយសាកសមគឺវាអាចេជួយសន្សំពេលវាលានិងប្រាក់កាសដល់យើង។​ ខាងក្រោមនេះជាគន្លះមួយចំនួនសម្រាប់ជាជំនួយដល់ការសម្រេចក្នុងជ្រើសរើសមុខជំនាញសិក្សាឲ្យមានភាពប្រសើរ៖

១.​​ ពិចារណាអំពីចំណង់ចំណូលចិត្ដរបស់អ្នក៖

ជ្រើសរើសមុខជំនាញដែលយើងមានចំណង់ចំណូលចិត្ត វាជារឿងមួយសំខាន់ក្នុងជីវិតជានិស្សិតដ្នាក់ឧត្តមសិសក្សា ប៉ុន្តែជាញឹកញាប់កូនសិស្សភាគច្រើនបានមើលរំលង។ ផ្ទុយទៅវិញពួកគេច្រើនតែសួរខ្លួនឯងថា: "តើខ្ញុំអាចរកការងារអ្វីបាន នៅពេលដែលជ្រើសរើសមុចជំនាញនេះ?" "តើខ្ញុំអាចធ្វើអ្វីបានប្រសិនបើជ្រើសរើសមុខជំនាញនេះ?"

២. គិតអំពីមុខវិជ្ជាដែលអ្នកចូលចិត្តនិងថ្នាក់រៀននៅវិទ្យាល័យ៖

ទោះបីជាអ្នកមិនដឹងថាអ្នកចង់ក្លាយជាអ្វី នៅពេលអ្នកធំឡើង ប៉ុន្តែអ្នកនៅតែអាចកំណត់ជំនាញនិងការចាប់អារម្មណ៍របស់អ្នកដោយមើលត្រឡប់ទៅមើលប្រវត្តិសិក្សារបស់អ្នក ថាតើមុខវិជ្ជាណាមួយដែលអ្នកបានចូលចិត្តបំផុត ហើយយើងពូកែលើមុខវិជ្ជាមួយណា?

៣. ពិចារណាពីលទ្ធភាពការងារ ប៉ុន្តែកុំឈ្លក់វង្វេងនឹងវាខ្លាំងពេក៖

មិនត្រូវគិតពីការជ្រើសរើសយកមុខជំនាញសិក្សាដូចជាការស្នើសុំការងារ ប៉ុន្តែត្រូគិតថាវាជាការជ្រើសរើសផ្លូវជីវិតរបស់អ្នក។

៤. ពិចារណាកិត្តិនាមរបស់សាលា៖

តើជំនាញវិជ្ជាជីវៈមុខជំនាញមួយណាដែលសាលានោះផ្តោតខ្លាំងជាងហើយល្បី? សារពត៌មាន? ឱសថ? វិស្វករ?ធនាគារ? គណនេយ្យ? ឬមុខជំនាញណាមួយ?

៥. ណាត់ជូបអ្នកមានបទពិសោធន៍ឬអ្នកប្រឹក្សាយោបល់៖

ការណាត់ជួបប្រឹក្សាយោបល់ជាមួអ្នកមានបទពិសោធន៍ក៏អាចជួយយើងសម្រេចចិត្តមានភាពប្រសើរផងដែរ៕

ប្រភព៖ អត្ថបទប្រែសម្រួលពី WikiHow

តើមានវិធីសាស្ត្រឬគន្លឹះអ្វីដើម្បីឲ្យមានប្រសិទ្ធភាពក្នុងការសិក្សារៀនសូត្រ?

នៅពេលយើងនិយាយពីរបៀបសិក្សារៀនសូត្រប្រកបដោយប្រសិទ្ធភាពនោះ មិនមែនគ្រប់វិធីសាស្រ្តទាំងអស់សុទ្ធតែត្រឹមត្រូវល្អឥតខ្ចោះមួយរយភាគរយនោះទេ។ សិស្សម្នាក់ៗគួរស្វែងរកវិធីសាស្រ្តណាឬទីកនិចដែលគាត់គិតថា សាកសមឬអាចឲ្យគាត់សិក្សាប្រកបដោយប្រសិទ្ធិភាពខ្ពស់។

ការសិក្សាប្រកបដោយប្រសិទ្ធភាពចាប់ផ្តើមដោយអាកប្បកិរិយាត្រឹមត្រូវ និងត្រូវការពេលវេលាច្រើនហើយត្រូវមានការអត់ធ្មត់ខ្ពស់

ខាងក្រោមនេះជាទីកនិចខ្លះៗដែលសិស្សម្នាក់ៗគួរពិចារណា៖

១. រៀបចំឬត្រៀមជាមុន៖ ការដែលយើងត្រៀមខ្លួនជាមុនដោយមើលមេរៀនជាមុន នោះវាអាចជួយឲ្យយើងឆាប់់ចាប់បាននៅពេលដែលគ្រូពន្យល់បន្ថែម។

២.​យកចិត្តទុកដាក់ស្តាប់គ្រូ៖ ការផ្ចង់អារម្មណ៍ស្តាប់គ្រូពន្យល់ជាកត្តាសំខាន់ដែលជួយឲ្យយើងងាយយល់និឆាប់ចាប់បាននូវអ្វីដែលគ្រូកំពុងពន្យល់។

៣. សួរសំនួរប្រសិនបើអ្នកមិនយល់៖ ត្រូវហ៊ានលើកដៃហើយសួរសំណួរទៅកាន់គ្រូប្រសិនបើយើងមិនយល់អ្វីមួយ។​​ ប្រសិនបើអ្នកមិនមានអារម្មណ៍ថាមិនមានទំនុកចិត្តក្នុងការសួរនៅចំពោះមុខអ្នកគ្រប់គ្នា យើងគួរ noteសំណួរទុកដើម្បីសួរគ្រូពេលចេញពីថ្នាក់។

៤.​ ធ្វើតារាងពេលវេលាឬកាលវិភាគសម្រាប់រៀនខ្លួនឯង៖ ការបែងចែកពេលវេលារៀនសូត្រគឺជារឿងចាំបាច់មួយដែលយើងត្រូធ្វើ ដើម្បីឲ្យការសិក្សាមានប្រសិទ្ធិភាព។ យើគួធ្វើកាបែងចែកម៉ោងណាយើងគួររៀនមុខវិជ្ជាអ្វី ហើយត្រូវរៀនតាមកាលវិភាគដែលយើងរៀមចំរួច។

៥. កត់ចំណាំ៖ ការកត់ចំណាំជួយឲ្យយើងឆាប់ចងចាំនូវអ្វីដែលគ្រូបានពន្យល់​ នៅពេលយើងរំលឹកមេរៀនពេលក្រោយ។

 Sources: sourmouy.com

គន្លឹះក្នុងការបង្កើនសមត្ថភាពភាសាអង់គ្លេស

ចង់ដឹងពីគន្លឹះដើម្បីការបង្កើនសមត្ថភាពភាសាអង់គ្លេសរបស់អ្នកមែនទេ? “សួរមួយ” មានគន្លឹះមួយចំនួនសម្រាប់អ្នកទាំងអស់គ្នា​ដើម្បីយកទៅអនុវត្តក្នុងការបង្កើនសមត្ថភាពភាសាអង់គ្លេសរបស់អ្នក៖​​

១.​ អ្នកត្រូវអនុវត្តជំនាញស្នូលទាំង ៤ គឺការអាន ការសរសេរ ការនិយាយ​ និងការស្តាប់ ជារៀងរាល់ថ្ងៃ ហើយរៀបចំកាលផែនការសិក្សាមួយ ថាតើអ្នកត្រូវចំណាយពេលប៉ុន្មានម៉ោងក្នុងមួយសប្តាហ៍ដើម្បីសិក្សាភាសាអង់គ្លេស។

២.​ ហាត់និយាយភាសាអង់គ្លេសម្នាក់ឯងឬនិយាយមុខកញ្ចក់។  វិធីល្អបំផុតដើម្បីរៀនភាសាអង់គ្លេសគឺតាមរយៈការនិយាយ។

៣. បង្កើតជាទម្លាប់ក្នុងការរៀន ហើយត្រូវដាក់កំណត់ខ្លួនឯងថា «ខ្ញុំត្រូវធ្វើវាឲ្យប្រសើរជាងម្សិលមិញទាំង ការអាន ការសរសេរ ការនិយាយ​ និងការស្តាប់។»

៤. អានរឿងនិទានឬកំប្លែងជាភាសាអង់គ្លេស។ ការអានច្រើនវាក៏ជួយឲ្យអ្នកឆាប់ចងចង់ពាក្យដែលនាំធ្លាប់ជួបរឈរៀនពីមុនមក។

៥. រំលឹកពាក្យថ្មីដែលអ្នកបានរៀនជាប្រចាំ។ វិធីដែលជួយឲ្យអ្នកឆាប់ចងចាំពាក្យថ្មី គឺត្រូវវាឲ្យទៅជាប្រយោគហើយប្រើវានៅពេលអ្នកហាត់និយាយ។

៦. អនុវត្តការសរសេរជាភាសាអង់គ្លេសឲ្យបានច្រើន។ អ្នកអាចបង្កើតប្លុកមួយ ហើយចាប់ផ្តើមសរសេរពីសកម្មភាពប្រចាំថ្ងៃរបស់អ្នក ឬរឿងណាមួយដែលអ្នកជួបប្រទះ។

៧. ស្តាប់បទចម្រៀងភាសាអង់គ្លេស។ ពេលដែលអ្នកមានអារម្មណ៍ថាធុញធប់ អ្នកអាចបង្វែរអារម្មណ៍ធុញធប់មករៀនភាសាអង់គ្លេសតាមរយៈបទចម្រៀងជាភាសាអង់គ្លេស ដែលអ្នកចូលចិត្ត។ ការធ្វើដូច្នេះ វាក៏អាចជួយឲ្យបង្កើនសមត្ថភាពនៃការស្តាប់ភាសាអង់គ្លេសរបស់បានផងដែរ។

៨. មើលវីដេអូយូធូបជាភាសាអង់គ្លេស​ ដូចជាវីដេអូ VOA Learning English។ អ្នកមិនត្រឹមតែអាចបង្កើនសមត្ថភាសាអង់គ្លេសរបស់អ្នកនោះទេ ទេថែមទាំងជួយឲ្យអ្នកបង្កើនចំណេះដឹងទូទៅផងដែរ៕

ប្រភព: sourmouy.com

វិធីសាស្រ្តថ្មីនៃការរៀនពាក្យភាសាអង់គ្លេស

នៅពេលយើងរៀន​ភាសាអង់គ្លេសដំបូងៗ យើងមានអារម្មណ៍ថាឆាប់ធុញធប់ ហើយមានអារម្មណ៍ថាមិនសូវជាចង់បន្តទៀត ដោយសារតែគិតថាយើងរៀនមិនសូវចេះឬឆាប់យល់ដូចអ្នកដ៏ទៃ។ ចំពោះខ្ញុំផ្ទាល់ កាលណាគេសួរខ្ញុំហេតុអ្វីបានជាខ្ញុំរៀនភាសាអង់គ្លេសហាក់មិនសូវមានអារម្មណ៍ តែបែជាមានចំណង់ចង់រៀនហាក់ដូចជាគ្រាន់បើទៅវិញ។ មកដល់ត្រឹម ខ្ញុំជានិច្ចជាកាលលើកឧទាហរណ៍អំពីការរៀនពាក្យភាសាអង់គ្លេសប្រៀបធៀបនឹងការមើលរឿងភាពយន្ត ដើម្បីងាយស្រួលយល់។​ ឧទាហរណ៍ ប្រសិនបើមើលរឿង «រ៉ូមីអូ និង ជូលីយ៉ែត» ឬភាពយន្តណាមួយ ហេតុអ្វីបានជាយើងបន្តមើលរឿងនោះហើយថែមទាំងមានអារម្មណ៍ហាក់ជក់ចិត្តទៀត? វាអាចមកពីមកពីហេតុផលមួយចំនួនដែលធ្វើឲ្យយើងចាប់អារម្មណ៍និងចង់តាមដានរឿងនោះរហូតដល់ចប់។ មូលហេតុអាចមកពី យើងស្គាល់នរណាជាតួអង្គឯកប្រុស/ស្រី ឬស្គាល់ឈ្មោះតួអង្គនោះ ហើយនរណាជាតួអង្គរង ហើយតួអង្គទាំងនោះមានមុខងារអ្វីនៅក្នុងរឿងភាពយន្តដែលយើងកំពុងតែមើលនោះ។ ដូច្នោះដែរ ការដែលយើងរៀនក៏ទាមទារឲ្យយើងស្គាល់តួអង្គនៅក្នុភាសាអង់គ្លេសផងដែរ។ ឧទាហរណ៍ថា៖ យើងចេះពាក្យ Student ឬពាក្យណាមួយ ថាតើយើងមានអំណះអ្វីឬសំអាងលើហេតុផលអ្វី ដែលយើងហ៊ានអះអាងថាខ្លួនចេះពាក្យនោះ ហើយឈរលើមូលដ្ឋានអ្វី?

«សួរមួយ» សូមឆ្លើយសំណួរខាងលើដោយលើកយកហេតុខ្លីៗមួយចំនួនជូនមិត្តអ្នកអានទាំអស់គ្នាជាពិសេសអ្នកដែលចាប់ផ្តើមរៀនភាសាអង់គ្លេសថ្មីថ្មោង៖

១. យើងត្រូវស្គាល់ឈ្មោះរបស់ពាក្យនោះថាពាក្យ Student នោះថាតើវាមមានថ្នាក់ពាក្យជាអ្វី? ហើយថានាមហ្នឹងជាអ្វី? (នាម គឺ​ជា​សម្ដី​ដែល​សម្ដែង​នូវ​ឈ្មោះ ជា​គ្រឿង​សម្គាល់ឲ្យ​ហៅ​បាន ដូចពាក្យ​ថា៖ មនុស្ស, សត្វ, ដី, ទឹក, ខ្យល់,ឈើ, ទន្លេ, សមុទ្រ ...។ល។)

២. យើងត្រូវស្គាល់មុខងាររបស់នាម ថាតើនាមហ្នឹងមានមុខងារអ្វីខ្លះ? ឧ. នាមមានមុខងារជាប្រធានឬកម្មបទ...

៣. យើងត្រូវដឹងអត្ថន័យនៃពាក្យនោះ ថាតើវានមានន័យយ៉ាងដូចម្តេច? Student (noun): a person who is studying at a school or college.

៤. យើងត្រូវចេះបកប្រែពាក្យនោះមកជាភាសាកំណើតរបស់យើង។ Student (noun): សិស្ស។

៥. យើងត្រូវចេះបង្កើតល្បះខ្លួនឯង ដោយយកពាក្យនោះមកប្រើនៅក្នុងល្បះឧទាហរណ៍របស់យើង។ ល្បះឧ. A student is a person who is learning something។

«សួរមួយ» សង្ឃឹមថាអត្ថបទនេះជាជំនួយស្មារតីដល់មិត្តអ្នកអានជាពិសេសអ្នកដែលទើបចាប់ផ្តើមរៀនភាសាអង់គ្លេសថ្មីៗ។

ប្រភព: សួរមួយ

ដើម្បីរៀនភាសាអង់គ្លេសឲ្យឆាប់ចេះ

សូមសាកល្បងពិចារណាឬប្រតិបត្តិតា​មវិធីសាមញ្ញៗដូចខាងក្រោម៖

របៀបរៀនភាសាអង់គ្លេស
ដំបូន្មាន និងគំនិត
ដែលត្រួសត្រាយល្អបំផុតសំរាប់បង្​កើនការរៀនភាសាអង់គ្លេសឲឆាប់ចេះ
…

ដំបូន្មានសំរាប់អ្នកដែលទើបតែចាប់ផ្ដើមសិក្សាដំបូងភាសាអង់គ្លេសដំបូង
១. កូនក្មេងរៀនភាសារបស់គេយ៉ាងយឺតៗ
ដំបូងពួកគេរៀនភាសា បន្ទាប់មកនិយាយ ចុងក្រោយពួកគេរៀនអាន និងសរសេរ។
២. ស្ដាប់ភាសាអង់គ្លេសរាល់ថ្ងៃ
ចូរស្ដាប់វិទ្យុជាភាសាអង់គ្លេសមើលទូរទស្សន៍និងភាពយន្តជាភាសាអង់​គ្លេសព្រមទាំងប្រើប្រាស់មេរៀនតា​មប្រព័ន្ធអ៊ីនធឺណេត។
៣. សេពគប់អ្នកចេះអង់គ្លេស
ចូរហាត់សន្ទនាជាមួយអ្នកចេះអង់គ្​លេស និងអនុវត្តន៍នូវអត្ថបទសន្ទនាដោយ​ប្រើប្រាស់សៀវភៅដំបូងៗ។
៤. អានរឿងអង់គ្លេស
ចូរចាប់ផ្ដើមអានសៀវភៅរឿងក្មេងៗ និងព្យាយាមដើម្បីឲក្លាយជាអ្នកអា​ នដ៏ល្អម្នាក់។ ជាងនេះទៅទៀតអ្នកត្រូវហាត់អាន ការផ្សាយពាណិជ្ជកម្ម ផ្លាកសញ្ញា និងផ្លាកសញ្ញាផ្សេងៗទៀតផងដែរ។ អ្នកត្រូវបង្កើតក្លឹបយុវជនមួយរួ​ចបបួលគ្នាសន្ទនាអង់គ្លេស។
៥. សរសេរពាក្យថ្មីៗ
ចាប់ផ្ដើមសរសេរពាក្យថ្មីចូលក្នុ​ងសៀវភៅកត់ចំណាំរបស់អ្នក ដោយសរសេរតាមលំដាប់អក្ខរៈក្រមដូច​ជា (ពី A,B,C…….Z)។ ហើយ កុំភ្លេចតែងជាឃ្លាផង ព្រមទាំរកឧទាហណ៍អោយបានច្រើន ដោយជានិច្ចកាលនោះត្រូវប្រើប្រាស់វចនានុក្រម។
៦. ព្យាយាមកត់ត្រាជាភាសាអង់គ្លេស
ចូរចាប់ផ្ដើមពីមួយប្រយោគឡើងទៅដូ​ចជាតើអ្នកសុខសប្បាយជាទេ? តើអាកាសធាតុថ្ងៃនេះយ៉ាងម៉េចដែរ?​ តើអ្នកធ្វើ អ្វីខ្លះពីម្សិលមិញ? ហើយបង្កើតប្រយោគផ្សេងទៀតនៅថ្ងៃស្អែក។
៧. ដើរកំសាន្ដទៅកាន់ប្រទេសដែលនិយាយ​អង់គ្លេស
ចូររៀនអង់គ្លេសឲលឿនដោយម្នាក់ស្នាក់នៅជាមួយគ្រួសារអង់គ្លេស ស្ដាប់ជនជាតិដើមនិយាយ ហើយស្វែងរកបទពីសោធន៍សប្បាយៗ អោយច្រើនដើម្បីបង្កើនភាសាអង់គ្លេស។

តើខ្ញុំចាប់ផ្ដើមរៀនភាសាអង់គ្លេ​សនៅទីណា?

១. ហេតុអ្វីបានជាអ្នករៀនភាសាអង់គ្លេស
មុនពេលអ្នកចាប់ផ្ដើមរៀនភាសាអង់គ្លេស ចូរសួរខ្លួនឯងសិនថា ហេតុអ្វីបានជាចង់រៀនអង់គ្លេស? គឺដោយសារតែអ្នកចង់ដោយខ្លួនឯង ឬចង់តាមគេ? វាហាក់ដូចជារាល់ការសំរេចចិត្តក្នុងជីវិតរបស់អ្នកផងដែរ ការរៀនអង់គ្លេសត្រូវតែជាអ្វីមួយ​ ដែលអ្នកពេញចិត្ត ដោយខ្លួនឯង។
២. ដាក់គោលដៅអោយបានច្បាស់លាស់
ប្រសិនបើអ្នកដឹងនូវមូលហេតុដែលអ្​នកចង់រៀន នោះអ្នកនិងកំនត់គោលដៅបានយ៉ាងងាយ​។ ជាឧទាហរណ៍ អាចថាអ្នកចង់ធ្វើដំណើរទៅប្រទេសដែលនិយាយអង់គ្លេស។ ប្រសើរណាស់ឌោលដៅរបស់អ្នកអាងបង្កើតសមត្ថភាពរបស់អ្នកកាន់តែលឿន។ ប្រហែលជាអ្នកដឹងរួចរាល់នូវឃ្លាដ៏មានប្រយោជន៍ជាច្រើនប៉ុន្តែអ្នក​ចង់អភិវឌ្ឍន៍នូវជំនាញស្ដាប់ និងការបញ្ចេញសំលេងរបស់អ្នក។ គោលដៅអ្វីក៏ដោយចូរសរសេរទុក។
តើរយៈពេលប៉ុន្មានដែលអ្នកត្រូវកា​រក្នុងការសិក្សាដើម្បីសំរេចគោលដៅរបស់អ្នក? ចំលើយនពគឺវាខុសពីសិស្សៗគ្រប់គ្នា។ រឿងដែលសំខាន់បំផុតនោះគឺ ភាពប្រាដនិយម។ ប្រសិនបើអ្នកធ្វើការ៦០ម៉ោងក្នុង​មួយសប្ដាហ៍ ចូរកុំមានគំរោងចំណាយ៦០ម៉ោងទៀត សំរាប់រៀនភាសាអង់គ្លេស។ ព្យាយាមមួយៗតែអោយទៀតទាត់។ ចូរប្រើសំភារៈណាមួយដែលជាការប្រកួតប្រជែងប៉ុន្តែកុំអោយពិបាកពេក។​ ជាងនេះទៅទៀត ស្វែងរកអ្វីដែលមានប្រសិទ្ធភាពសំ​ រាប់អ្នក។ បន្ទាប់ពីអ្នកបានសិក្សា អស់រយៈពេលពីរ ឬបីសប្ដាហ៍មក ចូរថ្លឹងថ្លែងវាឲបានសមស្រប។ តើអ្នកសិក្សាបានល្អផុតនៅពេលយប់ ឬនៅលើឡានក្រុងតាមផ្លូវធ្វើដំណើរ​ ទៅធ្វើការ? តើអ្នក ចង់រៀនតែម្នាក់ឯងក្នុងទីស្ងប់ស្​ងាត់ឬក៏ជាមួយមិត្តភក្តិដោយលាយឡំ​ជាមួយបទភ្លេងកំដរអារម្មណ៍?
៣. បង្កើតនូការតាំងចិត្ត
ការតៀនភាសាអង់គ្លេសគឺទាមទារនូវការជំរុញលើទឹកចិត្ត។ អ្នកនឹងអវត្តមានប្រសិនបើអ្នកមិន​មករៀន។ ចូរប្រាកដថាអ្នកត្រៀមខ្លួនជាស្រេចដើម្បីរៀន ហើយធ្វើការតាំងចិត្តអោយស្រេច។
៤. ធ្វើអោយរីករាយក្នុងការរៀនភាសាអង់គ្លេស
រឿងរ៉ាវដែលយើងធ្វើបានល្អបំផុតក្​នុងជីវិតគឺ ជាអ្វីដែលយើងពេញចិត្តនឹងធ្វើ។ ប្រសិនបើអ្នកមិនធ្វើឲរីករាយក្នុ​ងការរៀនសូត្រ ទេអ្នកនឹងមិនទទួលលទ្ធផលគាប់ចិត្​តឡើយ! អ្នកអាចជាសិស្សដ៏មាំទាំម្នាក់ដែ​លរីករាយក្នុងការរៀន។ លើសពីនេះទៅទៀតចូរច្នៃ ប្រឌិតនូវកម្មវិធីដែលជាការផ្ដល់​នូវរង្វាន់ផ្ទាល់ខ្លួនដូចជាលើទឹ​កចិត្តក្នុងពេលបំពេញកិច្ចការចប់​។
ធ្វើឲមានតុល្យភាពនូវជំនាញទាំបួន​(ការស្ដាប់ការនិយាយការអាននិងការ​សរសេរ)។ សិស្សភាគច្រើនចង់ឲមានទំនាក់ទំនង​កាន់តែប្រសើរ ដោយប្រើប្រាស់ភាសាអង់គ្លេស។ ប្រសិនបើភាសាអង់គ្លេសជាភាសាគោលដៅរបស់អ្នកគឺវាសំខាន់ណាស់ ក្នុងការអនុវត្តន៍នូវជំនាញទាំងបួន ព្រោះវាអាចធ្វើអោយការ ទំនាក់ទំនងរបស់អ្នក កាន់តែមានប្រសិទ្ធភាព។ អ្នកត្រូវចាំថា ជំនាញ មួយមិនអាចធ្វើឲជោគជ័យក្នុងភាសាទំនាក់ទំនងរបស់អ្នកឡើយ។ ជាឧទាហរណ៍ អ្នកត្រូវការអានអោយបានល្អមុនពេល​អ្នកសរសេរ។ម្យ៉ាងវិញទៀតអ្នកចាំបាច់ផងដែរនូវលទ្ធភាពក្នុងការស្ដា​ប់អោយបានល្អមុនពេលអ្នកនិយាយកើត។​ អ្នកអាចបង្កើនជំនាញទាំងបួននេះដូចខាងក្រោមៈ
2ផ្នែកខាងក្នុង
– ការស្ដាប់ (គឺត្រូវឆ្លងកាត់មាត់)
– ការអាន (គឺត្រូវឆ្លងកាត់ចូលតាមភ្នែក)
2ផ្នែកដែលចេញមកខាងក្រៅ
– ការនិយាយ (គឺត្រូវឆ្លងកាត់មាត់)
– ការសរសេរ (គឺចេញពីទឹកដែរបស់អ្នក)
វាជារឿងធម្មតា ចូរអ្នកពិចារណាចុះដំបូងគឺ ផ្នែកដែលចូលមកហើយបន្ទាប់មកគឺផ្នែកដែលចេញទៅវិញ។ មានន័យ ថាទី១គឺអ្នកស្ដាប់នរណាម្នាក់ដែល​ចោទសួរអ្នក។ ទី២អ្នកនិយាយដោយផ្ដល់អោយពួកគេនូ​វចំលើយ។ មួយវិញទៀតអ្នក កាន់សំបុត្រពីនរណាម្នាក់រួចបន្ទាប់មកអ្នកសរសេរតប។ ទាំងនេះសុទ្ធតែជាឧទាហរណ៍នៃការទំ​នាក់ទំនង។ ផ្នែកខាងចូល និងផ្នែកខាងចេញគឺមិនសំខាន់ត្រង់​អោយតាមលំដាប់លំដោយជាក់លាក់ឡើយ។ ពេលខ្លះអ្នកនិយាយមុនរួចបន្ទាប់ម​ក ទើបស្ដាប់ជាក្រោយ។ ហើយពេលខ្លះទៀត អ្នកសរសេរនូវអ្វីដែលអ្នកបានស្ដា​ប់។ គ្នុងកំឡុងនៃការទំនាក់ទំនងជាមួយ​ មនុស្សដែលត្រូវបានទាក់ទងនោះបានប្រើប្រាស់មួយក្នុងចំណោមជំនាញខុស​ៗគ្នា។
How to Study English faster FP Library 2007 Editor: Yi Chheng Uor –Peng Translator: Ek Sam Art

ប្រភព : ចំណារជីវិត